[Show all top banners]

huippa

More by huippa
What people are reading
Subscribers
:: Subscribe
Back to: Kurakani General Refresh page to view new replies
 सम्पदा संरक्षणका तीन आधार
[VIEWED 5103 TIMES]
SAVE! for ease of future access.
Posted on 10-22-18 10:15 PM     Reply [Subscribe]
Login in to Rate this Post:     0       ?    
 

२०७२ सालको भूकम्पले विशेषतः काठमाडांै उपत्यकाका तीन सहरका धेरै ऐतिहासिक मठमन्दिर र सम्पदा क्षेत्र भत्के । कतिपय सम्पदा जीर्ण अवस्थामा छन् । शासक दलबीचको खिचातानीका कारण भूकम्प पुनःनिर्माण प्राधिकरणले अपेक्षित गतिमा काम गर्न सकेको छैन । गुठी संस्थानले थालेको पुनःनिर्माणको काम पनि ठेक्कामा दिइँदा न त गुणस्तरीय निर्माण हुन सकेको छ न सम्पदाको मौलिक स्वरुपलाई निरन्तरता दिन सकिएको छ । यस्तो अवस्थाले एकातिर इतिहास बाङ्गिने खतरा रहन्छ भने अर्कोतिर नेपालको परिचय बनेका सम्पदा आफ्नो परिचय गुमाएका कुरुप भौतिक आकृतिमा परिणत हुन सक्दछन् । सत्तासीन दल र सरकारी अधिकारीहरू यो विषयमा गम्भीर देखिएका छैनन् । कति मन्त्री र प्रशासकलाई काठमाडांै उपत्यकाका सम्पदा क्षेत्रको मूल्यबोध पनि छैन । फलतः कुन सम्पदाको पुनःनिर्माण कसरी गर्ने भन्ने विषय उनीहरूको निम्ति धेरै चासो र चिन्ताको विषय बन्ने गरेको छैन । उनीहरू न आफू त्यसमा विज्ञ छन्, न त विज्ञका विचार सुन्न तयार छन् । फलतः सम्पदा पुनःनिर्माणमा धेरैथरी लापरबाही भइरहेको सर्वत्र महसुस गरिएको कुरा हो ।
प्रथमतः नेपालका मौलिक सम्पदाको संरक्षण कुनै विदेशी अनुदान वा सहयोगबाट गर्नु लज्जास्पद कुरा हो । हाम्रा पुर्खाले सयौं वर्षअघि बनाएका सम्पदा आज हाम्रो परिचय बनेका छन् र हाम्रो परिचय बनेका सम्पदा पुनःनिर्माणको निम्ति हामीले विदेशीसँग झोली फैलाउँदै हिँड्नु मानसिक दरिद्रताको अति हो । विदेशी प्रविधिका लागि हामीले विदेशी मित्रहरूसँग सहकार्य गर्नुलाई स्वाभाविक रुपमा लिन सकिएला । तर हाम्रै देशका पुख्र्यौली सम्पत्तिको जगेर्ना गर्न विदेशसामु हात फैलाउने र विदेशीले बनाइदिएका ऐतिहासिक धरोहरको उद्घाटन गर्न नेपालका मन्त्री जानु निर्लज्जताको उदाहरण हो ।
दोस्रो, सम्पदाको पुनःनिर्माण वा जीर्णोद्वारका लागि स्थानीय जनताको परिचालन र सहयोग लिन जरुरी छ । रानीपोखरी निर्माण सेनालाई जिम्मा लिने प्रस्ताव नआएका होइनन् । सेनालाई सडक बनाउन दिनु र रानीपोखरी बनाउन दिनु एउटै विषय होइन । सम्पदा क्षेत्रको पुनःनिर्माण स्थानीय जनताको सामथ्र्य र चासोको विषय हुने गर्दछ । त्यसकारण स्थानीय जनताले स्वामित्व ग्रहण गर्ने गरी सम्पदा क्षेत्रको पुनःनिर्माण गरिनुपर्दछ । स्थानीय तहका जनप्रतिनिधिले यसमा विशेष संवेदनशीलता प्रदर्शन गर्नुपर्दछ । स्थानीय जनताको सेवा गर्न चुनावमा जितेर गएका जनप्रतिनिधिहरूले स्थानीय जनताको भावनालाई पहिलो प्राथमिकतामा राखी सम्पदा संरक्षणमा ध्यान दिइन जरुरी छ ।
तेस्रो, सम्पदाको मौलिकता जोगाउनमा कुनै पनि प्रकारको सम्झौता गरिनुहुन्न । विशेषतः गुठी संस्थानले ठेक्कामार्फत पुनःनिर्माण गरिएका ऐतिहासिक धरोहरले आफ्नो मौलिक स्वरुप गुमाउने अवस्था प्रवल छ । सम्पदाको महत्व र इतिहासबारे जानकारी नै नभएका ठेकेदारलाई ठेक्का दिइएका र सम्पदा पुनःनिर्माणको संवेदनशीलता र दक्षता नभएका कालीगढबाट हुने सम्पदाको पुनःनिर्माण र जीर्णोद्धारले सम्पदालाई क्रमशः ओजबिहीन बनाउँदै लानेछ । ठेकेदारले आफ्नो नाफाको लागि कमसल निर्माण सामग्री र अदक्ष कालीगढको प्रयोगको परिणाम भनेको सम्पदा संरक्षणमा लापरबाही नै भइरहेको छ ।
सम्पदा संरक्षण कुनै निजी इच्छाको विषय बन्न सक्दैन । न त यो खेलाँचीको विषय बन्न सक्दछ । सम्पदा संरक्षण कोही एक जना प्रशासकको इच्छा वा दिमागको विषय कदापि बन्न सक्दैन । यसमा स्थानीय जनता आफै पनि सचेत र सजग भएर लाग्नुपर्ने अवस्था छ ।
काठमाडांैको रानीपोखरी कुनै शैलीमा बनाउन उपयुक्त हुन्छ भन्ने विषयमा अझ विज्ञहरूबीच गहकिलो विचारविमर्श आवश्यक छ । तर कुनै पनि शैली निर्माणमा सिमेन्ट र फलामे छडजस्ता हाम्रो मौलिकता नझल्किने प्रविधि प्रयोगमा ल्याउन सर्वथा गलत हो ।


 


Please Log in! to be able to reply! If you don't have a login, please register here.

YOU CAN ALSO



IN ORDER TO POST!




Within last 30 days
Recommended Popular Threads Controvertial Threads
What are your first memories of when Nepal Television Began?
मन भित्र को पत्रै पत्र!
काेराेना सङ्क्रमणबाट बच्न Immunity बढाउन के के खाने ?How to increase immunity against COVID - 19?
TPS Work Permit/How long your took?
चितवनको होस्टलमा १३ वर्षीया शालिन पोखरेल झुण्डिएको अवस्था - बलात्कार पछि हत्याको शंका - होस्टेलहरु असुरक्षित
Nepali doctors future black or white usa ?
Another Song Playing In My Mind
nrn citizenship
TPS Renewal Reregistration
हेर अमेरिकामा नेपालीहरुको बेज्जत
WHAT DO YOU GUYS THINK ABOUT THIS?
Send Parcels from USA to Nepal & Worldwide.
Why is every youths leaving Nepal? Why are not youths entering politics and serving the country, starting business etc?
Is money sent to support family tax deductible?
Nearly one-third of Americans support autocracy, poll finds
Alert: Turbo Cancers: A Rising Global Threat
महँगो अण्डाको पिकल्प : कुखुरा र खोर भाडामा लिने
Informatica consultancy share
Travelling on TPS advance travel document to different country...
Are you ready to know the truth?
NOTE: The opinions here represent the opinions of the individual posters, and not of Sajha.com. It is not possible for sajha.com to monitor all the postings, since sajha.com merely seeks to provide a cyber location for discussing ideas and concerns related to Nepal and the Nepalis. Please send an email to admin@sajha.com using a valid email address if you want any posting to be considered for deletion. Your request will be handled on a one to one basis. Sajha.com is a service please don't abuse it. - Thanks.

Sajha.com Privacy Policy

Like us in Facebook!

↑ Back to Top
free counters